Македонска традиционална архитектура, Куќата на фамилија Каневче, Охрид, Македонија

Опис на Мотив

Куќата на Каневче е изградена во втората половина на 19-ти век и претставува класичен пример на традиционалната охридска архитектура. Посебно внимание привлекува нејзината западна челна фасада.

Староградската архитектурата на Охрид зазема посебно место во македонското културното наследство. Старите охридски куќи се надалеку познати и препознаени како дел од светската архитектура. Вреден е за спомнување и фактот што големиот француски архитект Ла Корбизје во своите „Собрани дела”, во делот за градската архитектура на Балканот и македонската градска куќа, посветува особено внимание на нејзините фасади, чардаци и внатрешен изглед.

Во Охрид е сочуван типичниот изглед на ориенталната градска куќа од 18 и 19 век. Горните делови се градени од дрво и со многу прозорци, а приземниот дел е од камен.

Куќите се оригинални и немаат одредена типизација, но нивната просторна организација е заедничка за сите. Во приземниот дел биле складирани дрвата за огрев, виното, ракијата, зимницата … Првиот кат бил резервиран за престојување на семејството. Во тие простории се подготвувала храната и се одмарало семејството. Најгорните одаи се репрезентативни и богато украсени. Во нив се примале гости, се одржувале слави, крштевки и други големи семејни настани.

Карактеристика за Охрид се и таканаречените улици-темници, тунели покриени со горните катови од куќите, кои се проширувале со растот нагоре.

За Производот

Пригоден подарок за свадба, роденден, јубилеј, слава, именден, вселување во нов дом …