Виничка икона, Исус Навин и Калеб, 5-6ти век, Македонија

Опис на Мотив

Теракотните икони се вбројуваат меѓу најексклузивните наоди во историјата на македонската археологија. Тие се пронајдени во наоѓалиштето Кале во Виница и по својата содржина и облик се светска реткост во областа на ранохристијанската археологијата.

Виничка икона со Исус Навин и Калеб, е теракотна икона од 5-6ти век со претстава на старозаветна сцена. На оваа икона претставени се ликовите на Исус Навин (Јошуа) и Калеб во војничка облека. Исус Навин е на левата страна од рељефот. Со десната рака држи копје а со левата рака покажува кон сонцето. Меѓу неговиот шлем и копјето претставена е ѕвезда. На десната страна фронтално е претставена фигурата на Калеб. Во левата рака тој држи копје а со десната го придржува штитот. Ликот на Калеб е благо свртен на десно со поглед вперен во сонцето на кое покажува Исус Навин. Над глава на Калеб претставена е месечината.

За Производот

Пригоден подарок за свадба, роденден, јубилеј, слава, именден, вселување во нов дом …